Ghanami præsidentissamik qinersipput
Ghanami præsidentissamut qinersinermi immikkoortut aappaat ippassaq aallartippoq. Illoqarfiit annersaanni Accrami nunallu sinnerani qinersisartut atuarfinnut pisortallu illutaannut allanut, qinersivigineqartunut, qinersiartukaapput, tamani politiinit sakkutuunillu nakkutigineqarlutik.
Allattoq Louise M. Kleemann
decembarip 29-at 2008 08:05
Præsidentinngorniuttut tamarmik 64-inik ukioqarput, tamarmik inatsisilerituujullutik tamarmillu nunani allani ilinniarsimallutik. Qinersinerup immikkoortuani siullermi, decembarip arfineq aappaanni pisumi, naalakkersuisuutitaqartut partianni, NPP-meersoq, Nana Akufo-Addo, aamma Den Nationale Demokratiske Kongresimeersoq, John Atta Mills naammattunik taaguunneqanngitsoorput.
Qinigassanngortittut tamarmik neriorsuipput Ghanami eqqissisimasumik ineriartornerup aningaasarsiornikkullu ineriartornerup ingerlaannarnissaa attatiinnarneqassasoq.
Ghana Afrikap kitaaniippoq, Afrikamilu uuliamik qalluisut nutaartaralugu, aamma nunarsuarmi kakaomik tunisassiortut annersaralugu.
