- Det betyder rigtig meget for mig at kunne udtrykke mig selv gennem musik, siger Gerth W. Lyberth.Assi: Gerth W. Lyberth

Gerth W. Lyberth nipilersortartumut nersornaasiuttakkamut innersuunneqartoq

Tupannarpoq, siullermik attavigineqarama. Tupallernarlunilu assut. Oqaasinngortikkuminaapporluunniit.

Nuummeersoq, 33-nik ukiulik, Gerth W. Lyberth Nunat Avannarliit Siunnersuisoqatigiivisa nipilersortartumut 2021-mi nersornaasiinissaanut innersuunneqartunut 13-inut ilaanerminik tupaallassimasoq oqarpoq.

- Qujamasuppunga assut, tuppallernarlunilu tulluusimaarnarlunilu. Eqqarsaannaavippunga eqqumiigilaarlugu misigissutsit anninneri taama tusaalluarneqartigisinnaasut.

Erinarsortartoq taalliortorlu apersortinnermini guitarinnakkamili nipilersortalerpoq, taassumali taalliaanik tusagaqarnissatsinnut piffissami sivisuumi utaqqivugut.

- Uani saqqummersitami misigissutsit uannut aappariinnermullu tunngasorujussuupput, nammineq inuttut ineriartornermut tunngasut. Asanninneq, aliasunneq, ineriartorneq, neriuuteqarneq pitsanngoriartornissarlu. Taamaammat saqqummersinnissai immaqa ernumagisimavara. Tigulluarneqarneralli nuannaarutigilluinnarpara, Gerth W. Lyberth KNR-imut oqarpoq.

AAMMA ATUARUK Rasmus Lyberth nipilersortartumut nersornaasiuttakkamut innersuunneqartoq

Saqqummersitaa siulleq ’Anorisaat’ 2019-imi saqqummerpoq, Nunat Avannarliit Siunnersuisoqatigiivisalu nalilersuinermut ataatsimiititaliaata saqqummersitaq ”soqutiginartutut, qiimmassaataasutut nuannersutullu” nassuiaatigaa.

Gerth W. Lyberthip tamatuma aallaqqaasiutaannaanissaa neriuutigaa:

- Erinarsortaannarnissara kissaatigaara, suliannimmi saqqummersitsineq tulluusimaarnarpoq, nipilersornikkullu misigissutsinnik ersersitsiinnartarnissara neriuutigaara.

Nunat Avannarliit Siunnersuisoqatigiivi nipilersortartumut Københavnimi novembarip ulluisa aappaani nersornaasiissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat