Gerhardt Petersenip aningaasanut inatsit isornartorsiorpaa
Atassutip siulittaasuata Gerhardt Petersenip, ukiortaami oqaaseqaateqarluni, aningaasaqarnermut inatsit akuersissutigineqaqqammersoq isornartorsiorpaa.
Inuiaqatigiit kisitsisaannartut aamma isuma najoqqutaralugu nikisiteriaannartut isigisassaanngillat, aningaasanut inatsimmik kusassaaniaannarluni isumaliutigilluagaanngitsumik allanngortiterinerit sunniuteqarnerlussinnaaqisut Nunatsinni innuttaasugut arlalitsigut aqqusaartussanngorparput.
Allattoq Elisa Isaksen
januaarip 02-at 2010 13:22
Atassutip naalakkersuisoqatigiit najugaqariaaseq pillugu politikkiat isornartorsiorpaa, kingunissaannik misissueqqissaartoqartinnagu, inuiaqatigiit sannaanik allanngortiterisoqarnissaa mianersoqqussutigalugu.
Gerhardt Petersenip ukiortaami oqaaseqaammini, Atassutip ukiuni qaangiuttuni naalakkersuinikkut annerusumik angusaqarsimannginnera uggoraa. Taamaattorli erseqqissarlugu partii Naalakkersuisunik oqaloqateqarnissaminik tamatigut piareersimammat.
