Gerhardt Petersen: -Soraarsitaaneq sakkortuvoq

decembarip 14-at 2006 07:19

- Soraarsitaalluni misigisaq sakkortuvoq, kisianni piffissap ingerlanerani angusarissaartarsimanigut nuannaarutigaakka, KNI-p siulersuisuiniit soraarsitaanini pillugu Gerhardt Petersen taama oqarpoq.

Itinerusumilli taamatut aalajangerneq pillugu oqaaseqarusunngilaq.

Siulersuisut siulittaasuat Simon Olsen Qanoruumut oqarpoq, Gerhardt Petersenimut isumaqatiginninniarneq sakkortusimasoq allamilli iliuusissaqarsimanatik.

Taanna erseqqissaavoq KNI-mi pissutsit iluarsineqassappata siulersuisut qanoq iliuuseqartariaqarsimasut.

- Bankit attavigisartakkatta sakkortuumik piumaffigilersimavaatigut, ernumanartumullu killittoqalermat iliuuseqartariaqarsimavugut, Simon Olsen Qanoruumut oqarpoq.