KNI A/S-imi siulersuisut ullumi ataatsimiipput, ataatsimiinnermilu siulittaasup tullissaatut Jan Harald Petersen qinerneqarpoq.
KNI A/S-imi maannamut pisortaanerusimasoq, Gerhardt Petersen, ullumiminngaanniit atuutilersumik qullersatut sulinera atorunnaarsinneqarportaaq.
Nutaamik pisortaanermik toqqaasoqarnissaata tungaanut, Assartuivik A/S-imi pisortaq Frederik Olsen kiisalu KNI A/S-imi aningaasaqarnermut qullersaq Lars Møller Sørensen qullersaqarfimmik aqutsisuugallassapput.
Siulersuisut suliassanik ingerlatsisussanik ataatsimiititaliamik aamma pilersitsipput.
Suliffeqarfissuup siunissami suut suliassarinerai, ulluni imaluunniit sapaatit akunnerini tulliuttuni ataatsimiititaliap misissoqqissaassavaa.
Arctic Green Food A/S-ip kiisalu Assartuivik A/S-ip siunissami suliassatik naammassisinnaaneraat paasiniarneqassallutik.
Aqutsisuugallartussat suliassanik ingerlatsisussanik ataatsimiititaliaq qanimut suleqatigissavaat, piginnittut akiligassaqarfiillu kissaataat sapinngisamik naammassiniartussaassallugit.