Gerhard Petersen akerliliivoq
Aningaasaqarnermut naalakkersuisup Vittus Qujaukitsoq taassumalu naalakkersuisoqarfiani pisortaajunnaarnikup KNI-mi, Gerhard Petersenip pisortaaffigisimasaani, susassaqaqatigiissimaneq malitsigisaanik rmikkut imminnut aaqqiagiikkunnaaqqanerat Radioaviisimi oqaluttuarinikuuarput.
Gerhardt Petersen oqarpoq, nammineq soraarnermut atatillugu 10 millionit koruuninik ajunngitsorsiaqarnussamik piumasaqarnikuunani, aammalu Jan H. Lynge Pedersenip soraarsitaaneranut attuumassuteqannginnini naqissusissallugu pisariaqartillugu .
Jan H. Lynge Pedersenip soraarsitaaneranut Gerhard Petersen attuumassuteqarneralugu KNR-imiit oqartoqanngilaq. Ammami oqaluttuarineqarnera takuneqaannarsinaavoq. Sorrarsitsineq Vittus Qujaukitssoq akisussaaffigaa.
Sorraarnermut atatillugu ajunngitsorsiassat eqqarsaaigigaanni, Gerhardt Petersenip maanna uppernarsarpaa , KNI-miit soraarsitaagami 5 aamma 6 millionit koruunit akornanniittunik ajunngitsorsiaqarsimalluni.
Kisianni tusarfitta arlallit tamarmik immikkoorlutik aalajangiusimavaat, Gerhardt Petersen 10 millionit koruuninik aallaqqaammut piumasaqaraluartoq. Tassalu piviusuuvoq, isumaqatigiinniartariinerit inermerimmassuk, Atassutip manna siulittaasorisaata soraarnerminut atatillugu 5 aamma 6 millionit koruuninik tunineqarmat.