Georgiamiut russillu Beijingimi unammeqataalluarput
Georgiami pissutsit ajorsigaluttuinnartut Georgiamiut russillu timersortartui ataqqeqatigiillutik OL-imi unammeqataapput.
Allattoq Mads Lynge
Naak inuit 2000-it missaat Georgiami maannamut toqutaasimassangatinneqaraluartut, Georgiamiut timersortartui Beijingimiiginnaqquneqarput, tunniusimallutik unammeqataanissaat naatsorsuutigineqarluni. Georgiamiut siuttuat taama nalunaaruteqarpoq.
Taassuma aamma oqaluttuaraa Georgiamiut russillu sanileriillutik najugaqartut, ajornartorsiuteqartoqanngitsorlu.