Georgiami suli najummassimanartorsiorfiuvoq
Ruslandilu isumaqatigiinniarnissartik Georgiap siunnersuutigivaa, taamaakkaluartoq kinguninngua Georgiap illoqarfiisa pingaarnersaanni Tbilisimi qaartartumeerisoqarpoq, mittarfik ilaatigut aamma eqqorneqarluni.
Nalunaarut tamanna Naalagaaffit Peqatigiit alaatsinaattuinit uppernarsarneqartoq, Tuluit nutaarsiasaqartitsiviat Reuters allappoq.
Georgiami suli akersuuttoqartoq Ruslandip nunanut allanut ministeriata Sergei Lavrovip ullup ingerlanerani oqaatigaa:
- Tamaani eqqisseqatigiinnissaq anguneqassappat, sakkutuunik tunuartitsinissaq periarfissatuaasoq, siornatigut oqaatigereerpara, Sergei Lavrov Georgiap nunanut allanut ministerianik oqarasuaatikkut attaveqaqatigiinneranni oqarpoq.
Inuit maannamut qasserpiaat toqutaasimanersut ilisimaneqanngilaq, Ruslandimili oqartussat atorfilittaasa oqaatigaat inuit 2000-it missaat toqutaasimassasut, Georgiamiut oqartut inuit 300-t missaat toqutaasimasut.
