Georgiami sakkuaakkunnaarneq suli assortuussutaavoq

Georgiap Ruslandillu akornanni sakkuaakkunnaarnissamik isumaqatigiissut Ruslandip unioqqutikkaa Georgiamiut nalunaarput. Sakkuaakkunnaavinnissaq pillugu illuatungeriit assortuunneranni sorsuffiusumi qanoq aseruatiterisoqartigisimanersoq innuttaasut misissorpaat. Sorsuffiusumi inuit illut naqqini toqqorsimareerlutik qallorlutik qanoq aseruitigisoqarsimanera maanna misissuileruttorput. Kallerup innera qamissimavoq imermillu pilersorneqarneq unissimalluni.
aggustip 13-at 2008 10:08

Illoqarfinni nunaqarfinnilu inoqanngilaq. Angulli Russinik tapersersuisoq ulluni arlalinni naqqup ataani qimaasimaarsimasoq susoqarsimaneranik ilisimasaqannginnerarpoq, Georgialli præsidentianik tatiginnissinnaanani oqarpoq. Russit tusagassiortunik sorsuffiusimasumut ippassaq angalatitsimmata suli illut ilaat ikumapput tillinniartoqartarsimallunilu. Tusagassiortut ilaasa Stalinip inuuffia, Gori takusarpaat, aqqutaanilu sorsunnermut atortut assigiinngitsut aserorsimasut takuneqarsinnaapput. Illoqarfiup qeqqani Stalinip eqqaassutissaa aserorsimangikkaluartoq illut eqqaaniittut tamarmik igalaaqanngillat. Inuit 100.000-it sorsuffiusumiit qimaasimassangatinneqarput, ilaat Ruslandimut ilaallu Georgiap ilaanut. Timisartoq ikiuutissanik nassartoq siulleq ippassaq Tblisimut tikippoq. Sorsuunnerup nalaani inuit 2.000-it Russinit toqutaasimassangatinneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq