George Bush Bagdadimut tikeraarpoq
Irakimi naalakkersuisut namminneq tappavani akisussaaffimmik tigusisinnaalersimanerat taamatut tikeraarnermi takutinneqarusuppoq.
- Asuli qanimut takusanngilassi neriorsuigaangama eqquutsikkusuttarakkit tikeraarpassi, Præsident Bush Irakimi ministeriunermut taama oqarsinnarluni nangippoq:
- Irak maanna ilinnut akisussaaffigitilerpara. Irakimi siunissami pisussat naalakkersuisunit maanna aalajangiiffigineqartalissapput, Præsident Bush erseqqissaavoq.
Irakimi naalakkersuisut sapaatip-akunnerani kingullermi kiisami inissittut præsidentip tapersersortuarsimallugit tikeraarnermini takutinniarsaraa. Tikeraarnerlu iluatsillugu Irakimiut assigiinngitsunik akisussaaffinnik piusaarlutik tigusiniartut aamma nukingisaarpai. Irakimi naalakkersuinermik suliaqarneq eqqarsaatigalugu ilorraap tungaanut saakkiartorusaarneq aamma USA-mi Republikanerinit ukiaru USA-mi inatsisartunut qinersisoqalerpat tapersersorneqarumaartoq Præsident Buship neriuutigaa.
