Assi: Ronnie Robertson/Flickr Creative Commons

Georg Stagemik angalaqataagit

Umiarsuaq ilinniarfiusoq Georg Stage ukioq manna angalanissaminut ilinniartussarsiorpoq.

Umiarsuaq ilinniarfiusoq Georg Stage ukioq manna juunip 25-ani aallartittumik angalanissaminut qinnuteqaqqusivoq.

Angalanermi umiarsualiviit Tall Ship Raceqarfiusut marluk aamma Christiansø tikinneqassapput Østersøenilu aamma angalaffigineqassalluni.

Angalanermut peqataassagaanni 9. klassi naammassineqarsimasariaqarpoq, 17½ aamma 22-it akornanni ukioqarluni kiisalu peqqissutsimut uppernarsaammik atuuttumik pigisaqarluni.

AAMMA ATUARUK Kalaallit inuusuttut tallimat Georg Stagemik angalaqataalersut

Georg Stagemik angalaqataaneq imarsiornermik ilinniarneruvoq, inuusuttut 63-it umiartortullu misilittagartuut qulit angalaqatigiissapput allanillu peqateqarneq suleqateqarnerlu iliniarneqassaaq, namminerli pisinnaasat pingaarnertut ilinniarneqassapput.

- Immaqa takorloorsimanngisannik misigisaqassaatit immaqalu sapersorisannik suliaqarlutit. Inuttut nutaanngorlutillu nukittunerulissaatit, Georg Stage taama allappoq.

Georg Stagemik angalaqataalluni ilinniarnerup kingorna imarsiortutut ingerlaannaq sulilertoqarsinnaavoq.

Qinnuteqarfissap killinga tassaavoq apriilip aallaqqaataani 2019, uanilu qinnuteqarsinnaavutit.

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat