KODA Awards 2017 Georg Olsen aamma Josef Tarrak nersornaaserneqartut
![Koda Awards 2017](/sites/default/files/styles/image_934x467/public/koda_awards_2017_winners_georg_o_josef_t.jpg?itok=EZehSd0j)
Nersornaasiinerit immikkoortut marluk tassaapput, 'Ukioq manna nersornaat' aamma 'Isumalluarnartumut nersornaat'.
Ukioq 2016-imi erinniortumut nersornaat nipilersortartumut Georg Olsenimut, nipilersoqatigiinni Liima Inuimeersumut, tunniunneqarpoq.
- Naatsumik oqaatigalugu nuuteeraliaa suliarilluagaavoq, erinnat taallallu uiguleriiaattut suliaallutik nipilersornertaalu aamma suliarilluagaallutik.
Nersornaasiisut Georg Olsenip saqqummersitaa "Inri"-mik taaguuteqartoq pillugu taama allapput.
Isumalluarnartumullu nersornaat rappertartumut Josef Tarrak Petrussenimut tunniunneqarpoq.
- Rappigassiaq Tupilak uissuummisitsivoq - Nunatsinniinnaanngitsoq aammali nunatta avataani, nersornaasiisut allapput.
- Tupilak saqqummermat inuit akornanni nipituumik oqaatiginissaaruteqqaannartoq inuit akunnerminni torinngitsumik imminnut isigisarnerat saqqummerpoq, tusagassiutitiguinnaanngitsoq aammali inuit akornanni oqallinnermik pilersitsivoq.