Generalsekretæri nunatsinniit anisitaavoq
Greenpeacep generalsekretæria, Kumi Naidoo ulluni sisamani pinerlussimasut inissiisarfianiisinneqareerluni, ippassaq ullaakkut Nunatsinnit anisitaalluni aallartinneqarpoq.
Allattoq Apollo Jeremiassen
juunip 22-at 2011 09:47
Kumi Naidoo Norgemiumik, Ulvar Arnkværnimik ilalerluni Cairn Energyp qilleriavianut qaqilluni, allakkanik uuliamik qillerilluni ujaasinermut akerlisusut 50.000-it atsiugaannik tunniusseriaraluarnermini politiinit tigusaavoq.
Allakkat akerliusunit atsiukkat Cairn Energyp tigorusussimanngilai.
Danmarkimi nunanit allani tikittut sullissiviata naliliinissaa utaqqillugu, Naidoo aamma Arnkværn sapaatip akunnerata naanera tamaat isertitsivimmiisitaapput.
Kumi Naidoo ippassaq ullaakkut Amsterdamimut allartinneqarpoq, ukioq ataaseq Nunatsinnukaqqusaajunnaarsinneqarluni.
Greenpeace International Amsterdamimi qullersaqarfeqarpoq.