General Motorsimi biililiat misissorneqalerput

Biililiorfissuup Toyotap qanittukkut biilit 3 millionit kukkuneqarneri pissutigalugit missaanniittut utertittariaqarsimavai, maannalu General Motors tullinnguuppoq kukkunerit nassuerutigalugit biilinillu utertitsissalluni.
marsip 02-at 2010 08:44

Tamatumani Amerikami avannarlermi biilit 1,3 millionit aquutaasa ajoquteqarneri pillugit utertinneqartut pineqarput. Kukkuneq maannamut ajunaarnernut 14-inut pissutaavoq, taamaattorli inuk ataasiinnaq ajoqusersimalluni.

Biilit General Motorsip maanna utertitassai tassaapput Chevrolet Cobalt, Pontiac G5, Pontiac Pursuit aamma Pontiac G4.

General Motors DR-imut oqarpoq biilit isumannaatsumik suli aqunneqarsinnaasut, tiimimulli 24 kilometerit inorlugit ingerlagaanni isumagisassat amerlanerulaassasut. Biilimik ingerlatitsisumit nilliasaat tusaaneqalissaaq qullerlu mianersoqqussut ikeqattaalerluni.

Biililiorfiup ajornartorsiut iluarsiniarlugu sulivoq pilersaarullu naammassiniariarpat pisiniat kalerrinneqassasut, siulersuisuni siulittaasup tullia oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq