GE: Raajarniarnermi maanna aqutsineq malinneqarli
- Nunatta kitaata imartaani raajaqassuseq qaffakkiartorunartoq tusarlugu nuannaarutissaavoq. Pinngortitaleriffiulluunniit tusagassiuutinut nalunaarutaata qulequtaa aamma nuannaarutigiinnarsinnaavarput, tassa qulequtaa imaammat: "Nunatta kitaata imartaani raajaqassutsip apparaluttuinnarnera allanngorpoq", GE tusagassiuutinut taama ilaatigut allaaserisaqarpoq.
AAMMA ATUARUK Raajartassat amerlanerunissaat KNAPK-mit kissaatigineqarpoq
Nunatta kitaata imartaanut raajartassiissutit 60.000 tonsinit 90.000 tonsinut qaffanneqarsinnaanissaat, biologit Pinngortitaleriffimmiittut ippassaq innersuussutigaat.
Kitaatali imartaani raajarniarnermi maanna aqutsinerup malinneqaannarnissaa GE-p orniginartippaa:
- Pisassiissutit ammut qummulluunniit 12,5 procentit sinnerlugit allanngortinneqartassanngitsut allassimavoq. GE-p Aalisarnermut Siunnersuisoqatigiinni tamanna oqaatiginiarpaa, Sulisitsisut Peqatigiiffiat GE tusagassiuutinut ilaatigut taama allaaserisaqarpoq.
AAMMA ATUARUK Raajat 90.000 tonsit 2016-imi aalisarneqassasut inassutaavoq