Assi: KNR

GE-p pisassiissutinik immikkoortitsisoqarnera isornartorsioraa

Aalisartut amerlanerulissapput, aalisartunngoqqammersullu isumagineqassallutik. Aalisarnermut naalakkersuisoq, Hans Enoksen, taama kissaateqarpoq, taamaammallu qaleralinnut, saarullinnut suluppaakkanullu aalisagartassiissutit 10 procentii aalisaleqqaartunut aalisagartassiissuteqanngitsunut tunniunneqassapput.

Taamali aalajangerneq Sulisitsisunit isornartorsiorneqarpoq. Aalisartut amerlavallaareersut, aalajangiinerullu malitsigisaanik inuiaqatigiit aningaasanik annaasaqassasut, Sulisitsisut isumaqarput.

- Sooruna Nunatsinni maanna aalisartooreersut atorneqarnianngillat?, Sulisitsisut aperipput.

Aalisarnermut politikki agguaanermut politikkitut atorneqartoq aalisagartassiissutinik tunineqarnissamut piumasaqaatit takuteqqikkaat, Sulisitsisut pisortaat Brian Buus Pedersen isornartorsiuivoq.

- Kukkusumut ingerlaneruvoq. Aalisartut naammareerneranni aalisartut amerlanerulertariaqanngillat. Pisariaqartinneqartoq tassaavoq, Naalakkersuisut inuussutissarsiuutinik nutaanik, suliffeqarfinnillu nutaanik inuussutissarsiortut suleqatigalugit ineriartortinnissamut tapersersuinissaat, Sulisitsisut allapput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat