Assi: Inuit Ataqatigiit

GC ukiuni 46-ni Pituffimmi sulereerluni qimappaa

Suliffeqarfik Greenland Contractors  Pituffimmi amerikamiut sakkutooqarfianni ukiuni 46-ni sullissereerluni sakkutooqarfik ippassaq arfininngornermi qimappaa. Suliffeqarfik Vectrus Services A/S siullermik Exelis Services A/S-imik taaguuteqartoq amerikamiut sakkutooqarfiannut ullumi sapaammi iserterpoq sullissilerlunilu.

Taama pisoqarpoq,  suliffeqarfiup Greenland Contractorsip amerikamiut sakkutooqarfianni kiffartuussinissamik isumaqatigiissut annaagamiuk taannalu Exelis Service A/S-imit tiguneqarluni. 

- Piffisaq pisanganartuusimavoq, Danish Arctic Contractors aammalu Greenland Contractors sakkutooqarfimmi malunnaateqaqataasimallutik. Piffissaq taanna naavoq, ukiullu 46-it Thule Air Base-meereerluta tussunngunanngitsuunngilaq suliaq tunniuttussanngoratsigu tamatumuunalu inuulluaqqusivugut, Greenland Contractors nittartakkamini  taama allappoq.

AAMMA ATUARUK OVERBLIK: Sagen om den mistede Pituffik-servicekontrakt

Greenland Contractorsip Pituffimmi kiffartuussinissamik isumaqatigiissut, 1971-imiilli pigisimasani, 2014-imi novembarip aallaqqaataani annaavaa.

Exelis Services A/S, danskinit amerikamiunillu pigineqartoq suliariumannittussarsiuussinermi ajugaasuuvoq, USA-mili eqqartuussivik 2015-imi maajip qaammataani aalajangerpoq suliariumannittussarsiuussisoqaqqissasoq.

AAMMA ATUARUK Pituffik pillugu suliaq aalajangiiffigineqartoq

Kiffartuussinissamik isumaqatigiissut  amerikami eqqartuussiviup 2015-mi junimi atorunnaarsipaa,  Exelis Services amerikamiut suliffeqarfiutaattut isigineqarmat.

Ukioq ataaseq qaanngiummat aasakkut 2016-mi eqqartuussivimmi eqqartuussissut amerikamiut eqqartuussiviini ingerlatitseqqiffiusartuni allangortinneqarpoq, taamaalilluni kiffartuussinissamik isumaqatigiissut Exelis Servicesimut tunniunneqarluni.

AAMMA ATUARUK Greenland Contractorsip suliassanngortitseqqiiniarneq ilalerpaa

Suliffeqarfiit pingasut, tassaasut Copenhagen Arctic, Per Aarsleff A/S aamma Greenland Contractors eqqartuussivimmi aalajangiga ingerlateqqippaat tamannali allannguuteqannilaq, tassami Exelis Service A/S allamik nutaamik atilerluni,  Vectrus Services A/S-imik ateqalerluni Piffuffimmi  amerikamiut sakkutuuvisa timmisartortartuisa aserfallatsaalineqarnerat  ingerlanneqarnerat aserfallatsaalineqarnerallu suliarisussanngoramigit.

Pituffimmi  kiffartuussinissamik isumaqatigiissutip annaaneqarneratigut tamanna kalalallinut inueqatigiinnut ukiumut 200 million kr-nik akeqarpoq.

Kiffartuussinissamik isumaqatigiissut nutaat ukiuni arfineq marlunni atuuttussaq 2,5  milliarder kr-nik naleqarpoq. 

AAMMA ATUARUK Isumaqatigiinniarnerit kigaappallaarnerat isornartorsiorneqartoq

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat