- Nunatsinni arsartartut kattuffiata inuusuttut iliuuseqarnerfiginerusariaqarpai, taama Narsami sungiusaasartoq Vittus Poulsen oqarpoq, nangillunilu:
- Tassami GBU nalliuttorsiuleruttorpoq suliniarnerminnilu iluartut taakkartoqattaartussavaat.
Inuusuttut arsartartut atugassarisaat sungiusaasup nuannaanngeqisup ajorluinnartut nalilerpai.
- Nuannaarutigeqisatsinnik Narsami arsartartut inuusuttuaqqat angajulliit finaalimut annguteqqammerput, angalanissaannulli pilersaartutinik suli takusaqanngilagut. Ukioq kingulleq pisimasumut assingusumik misigisaqaqqilerunarpugut. Tassami angallateeqqanik Narsamiit Sisimiut tungaanut angalasariaqaqqilerunarpugut. Inuusuttut 20-it ilagalugit taamatut angalasarneq toqqissisimanganngilaq, sungiusaasoq narrutsassimaqisoq Vittus Poulsen oqarpoq. Taassuma aamma kissaatigigaluarpaa, inuusuttuaqqat pissartanngorniuttarneranni GBU-p peqataanerunissaa.