Nunatsinni isikkamik arsaattartut kattuaffianni siulitaasoq Lars Lundblad isumaqarpoq pissartanngorniutivinnermi unaminerit naligiiluinnartumik pissangarnartumillu ingerlanneqarsimasut, bronz-innanniunermi ippassarlu unamminermi isertitsinerit ikittuinnaat isertinneqarput. Unamminermi malunnarpoq, meeraallutik sungiusartarsimasut maannakkut inuusuttunngorlutik unammeqataasalersimasut saqqummerlutillu, teknik-imik arsalerinermillu sungiussiluarsimasut, ukiunilu arlalinni unammeqataasartussaasut, Lars Lundblad oqarpoq. Bronz-innanniunnermi unammisut Kulusummeersut TM-62 nutaatut alutorineqarput qiimmassaataallutillu. Nagdlunguak Kugsak-lu pissartanngorniutivinnerat pissusissamisoorpoq, Lars Lundblad oqarpoq, Diskobugt-ermiut imminnut qanittunnguugamik unammisarnerilu amerlanerullutik, taamattumik isikkamik arsaarnermi siuarsimanerupput.
Nunatsinni ivigaaqqanik arsaattarfeqaleraluarpat kalaallit arsaattarnerat siuarsimasorujussuanngussagaluarpoq.