GBU isikkamik arsariaatsimik nutaamik sammisaqartitsisoq

GBU-p isikkamik arsaalluni ilinniartitsinerani Nanortalimmi aggustip pingajuanit tallimaanut ingerlanneqartumi, peqataasut ilaasa isikkamik arsaalluni sammisassamik takornartaminnik misiliisimassagunarput. Ungalulikkami isikkamik arsaanneq, uerissutigineqassagunavipporlu.
Allattoq Peter Troelsen, Simon Uldum
aggustip 06-at 2013 10:18

Meeqqat agguataarneqassapput, holdit 3-4-nik inuttalerlugit, arsaaffiaqqamilu meterimik ataatsimik portussusilimmik ungalulikkami mikisunnguanik ajuuttarfilersukkami unammissapput.

Meeqqat pingasukkuutaarlutik (imaluunniit sisamakkuutaartillugit) "arsaaffimmi matoqqasumi" arsaatsinnerisa iluaqutissartaraa arsaq "uninneq ajormat", taamaattumillu meeqqat aalarusaaginnavittarlutik.

Isikkamik arsaannermi ajuuttarfiit nalinginnaasut marluk marlunnik ungaluliaraleraanni arsaattarfissat katillugit pingasunngortinneqassapput, taamaaliornikkullu meeqqat 18-22-t arsaaffissami anginngitsumi unammivataarsinnaapput.

Ungaluaqqat aamma illup iluani atorneqarsinnaapput - soorlu assersuutigalugu timersortarfissuarmi nalinginnaasup immikkoortiternissaanut atorneqarsinnaallutik, meeqqallu tassani arsaaffissani 3-4-ni pingasukkuutaarlutik unammisinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq