GA´p pineqaatissiisoqarnissaa utaqqimaarpaa

Eqqartuussineq soqutigineqarluarpoq, sulisitsisut peqatigiiffiat GA eqqartuussinerup nalaani malinnaalluarpoq.

GA-p pisortaa  Henrik Leth ullaarmanna tusagassiuutinut nalunaaruteqarluni allappoq, eqqartuussinerup ingerlanneqarnerani suliffeqarfiit  pineqartut GA-mit mattunniarneqanngitsut, eqqartuussinermi pineqartut qulaajarneqartinnagit eqqartuussinermilu aalajangiineq sioqqullugu mattussisoqassanngitsoq, sulisitsisut peqatigiiffiata siulittaasua allappoq.

Erseqqissaatigineqassaaq suliariumannittussarsiuussinermi malittarisassanik avaqqutaariniarneq sutigulluunnit GA-mit akuerineqarsinnaanngimmat, ammasumik suliariumanittussarsiuussissarnerit neqeroorutigineqaraangata killeqanngitsumik unammilleqatigiittoqartarmat, sulisitsisut peqatigiiffiata GA-p pisortaa Henrik Leth taama allappoq.

Suliffeqarfiit sanaartornermik suliaqartut  B.J Entreprise, Permagreen Grønland aamma Kang-Total-Byg unioqqutitsillutik akinik isumaqatigiissuteqarsimanerat pillugu eqqartuussivimmi suliaq apriilip sisamaanni aalajangiiffigineqassaaq.