Gazamut isaapput

juunip 28-at 2006 06:49

Israelimiut sakkutuui qamussuillu sorsuutit nunaminertap Gazap kujasinnerusortaanut isaasimapput.

Ikaartarfiit pingasut nunaminertamilu Gazami nukissiorfissuaq israelimiut timmisartuisa timmisartullu allat sorsuutit saassutereeraallu, israelimiut sakkutuui qamussuillu isaalerput.

Nukissiorfissuaq saassunneqarmat nunaminertap Gazap annersaa innaallagiaaruppoq.

Israelimiu sakkutooq, 19-inik ukiulik, palæstinamiut eqimattakkaat sapaatiummat aallarussaat aniguisinniarlugu saassussineq pisoq, israelimiut sakkutuuinit nalunaarutigineqarpoq. Nalunaarutigineqarporli nunaminertaq Gaza tigusarineqaqqinngimmat.

Sakkutuunit tusarfiit oqarput, sakkutuup israelimiup inuusuttup palæstinamiunit pikitsitsiniarajuttunit allamut nuutinniarneqannginnissaa anguniarlugu ikaartarfinnik saassussineq pisimasoq.