Gazami najugaqarfiit arlallit Israelimiunit qaartartumeerneqarput

- Pissutsit ajoreeqisut ajorneruleriartorput. Israelimiut sakkutuui Palæstinamiullu unnuaq akersuupput. Pingaartumik Gazap ilaani inuttunerpaaffinni pissutsit ajorluinnarput, tusagassiortoq oqarpoq.

Innuttaasut palæstinamiut najugaqarfiiniit qimagussinnaanngillat, killeqarfiit Israelimiunit assersorneqarsimammata. Taamaammat inuttunerni najugallit erloqipput, allaat innuttaasut 100.000-t qimaasariaqarsimaneragaallutik.

-Naalagaaffiit Peqatigiit ikiuiniaqatigiiffiata nalunaarutigaa katillugit 28.000-t atuarfiutiminni maannamut qimaaqqasut. Atuarfiit ilaat qanittukkut israelikkunnit qaartartumeerneqarpoq. Aamma ilimagaat allat 4.000-t najukkatik qimallugit ilaquttaminnut ikinngutiminnulluunniit qimaasimassasut.

- Gazamiinneq sussaanngilaq qimaaffissiaqanngilarmi, innuttaasut ulorianartorsiorput, DR-p Kangiani Qiterlermi tusagassiortua nalunaarpoq.