Gazami akersuunnermi toqutaasut 900-t sinneqalerput
Israelip ilaani Palæstinamiut najugaqarfianni Gazami qaartartumeernerni ajunaartut amerliartorput, nakorsat ikiuiniartut nalunaarput ajunaartut 900-t sinneqalersut.
Allattoq Lotte Holm
Sapaatip akunnerini marlunngortuni akersuunnerit ikinnerpaamik 905-it toqqutigaat, 3950-illu ikiligaassutigalugu.
Ulluni 17-ini juullip nalaanili sassusisoqaqattaalermalli meeqqat 277-it ajunaartunut ilaapput.
Palæstinamiut Hamasikkut raketinik ungasianiit eqqaassinerata unitsinnissaa Israelimiut akiniaanermikkut anguniarpaat.
-Angorusutarput angulivipparput, Hamasikkut qaartartuutaarutilerput, siuttuisalu arlallit toqutaanerat maanna malunniukkiartulerpoq, akiuuppiarunnaarmata, Israelimi ministeriuneq Ehud Olmert tusagassiutinut oqarpoq.