Gassit aniasut annertunerpaaffitsik killissimavaat

Silaannarsuarmi gassit aniasut katersuunnerat, nunarsuup silaannaanik kissatsitsisut, 2009-mi nutaanik annertussuseqalerput annertunerpaaffitik massakkut killissimallugu.
novembarip 25-at 2010 05:13

Taama Naalagaaffiit Peqatigiit sila pillugu ilisimatusarfia ilisimatitsivoq.

- Nunarsuarmi aningaasarsiorneq pitsaanerpaajunngikkaluartoq gassinik aniatitsineq aatsaat taama annertutigaaq, sulilu annertunerusussaagaluarluni, nunat tamat akornanni killiliiniartoqarsimanngitsuuppat, taama Michel Jarraud, Naalagaaffiit Peqatigiinni atorfilik oqarpoq.

Nunani issittuni metan aniasoq ukiuni aggersuni annertunerujussuanngornissaa, Michel Jarraud-ip ernumanartutut isigaa.

Gassit aniasut katersuunnerat aatsaat taama annertuttigilerpoq, naak nunat tamat Kyoto-mi isumaqatigiissusiorsimagaluartut, suliffeqarfissuit aniatitsinerat killilersimaarneqassasoq.

Uuma akunnerup naanerani Mexico-mi Cancun-imi silap pissusaa pillugu COP16-mik taasamik Naalalagaaffiit Peqatigiit ataatsimeersuartitsinera aallartissaaq, taamaattorli ataatsimeersuarnerup pitsaasumik inerneqartitsinissa isumalluarfigineqanngilaq, taama Ritzau allappoq.

Kalaallit Nunaannit COP16-nimi peqataassapput Naalakkersuisut Siulittaasuat, Kuupik Kleist, Siumumiit Kim Kielsen, Inuit Ataqatigiinniit Jane Petersen aamma Namminersorlutik Oqartussani atorfilittat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq