Ukiut 49-t matuma siorna pisoq: Gassimik qaartoornermi blok fem aserorpoq

1970-imi marsip ulluisa 14-anni nalunaaqutaq ullup qeqqa qaangilaaraa qaartoorujussuartoqarmat Nuup annersaa sajuppillappoq. Blok 5-mi gassimik qaartoortoqareersorlu inuit qulit ajunaarput.

Sulisut suliaqarlutik ulapputeruttortut blok 5-ip naqquani gassi aniasimalluni qaarujussuarpoq.

Ajutoornerup nalaani ilaatigut pisut pillugit Erla Winther KNR-p aallakaatitaani Puilasumi  pulaartorineqarpoq. Erlallu 2. klassimi atuartilluni Nuummi qaartoorneq misigisaqarfigaa

- Qaartoorpalussuaq tusaavarput - kingornalu paasivarput blok 5-imi qaartoqartoq, Erla Winther oqarpoq. 

Qaartoortoqareersoq Erla kammalaatinilu alla atuarfiup silataanukarput silataanilu aliasullutik qiasut saammarsarneqarsimapput, erlammi kammalaataatalu angutaa blok 5-imi sulisuusimapput. 

Ajutoornermit eqqaassutissiinissamut Erla Winther suliniuteqartuuvoq, eqqaassutissiinisarlu aappaagu ukiut 50-it qaaangiuppata eqqaassutissiinnermi ilaqutaasut peqataatinnissaannut sulissuteqarluni.

Blok 5-imi qaartoorneq eqqaaniarlugu aappaagu blok 5-ip eqqaani eqqaassutissiisoqassaaq - ilaqutaasullu peqataanissaat sulissutigineqarluni. 

Ullormi qaartoorfiup nalerpiaani nalunaaqutaq ull`qeqqa qaangilaarpagu tassa 12.02   eqqaassutissiisoqassasoq, Erla Wintherip Radiokkut Puilasumi apersorneqarluni oqaatigaa.

.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat