Gassimik nassaarneq Canadamiunit uippalliutigineqarpoq
Canada ukioq 2014-ip tungaanut issittumi qillereqqusaanngilaq. Taamaattumik Cairn Energyp Qeqertarsuup avataani immami gassimik nassaarnera Canadamiunit tupaallaatigineqarpoq.
aggustip 25-at 2010 09:20
Gasseqarfik Canadap imaartaata qanittuani nassaarineqarpoq, Canadap imartaanut kilometerit arlaqanngitsut ungasinngisaani.
Gassimik nassaarfiup Canadamut qanoq qanitsiginera TV-eqarfiup CBC-ip ippassaq unnukkut nutaarsiassani takutippaa.
Mexicop kangerliumanersuani uuliasiorfiup ajutoornerata kingorna, Canadap issittumi qillerisarnermi inatsisit allanngortinnialeruttorpai.
Cairn Energy Qeqertarsuup avataani uuliasiorluni qillerinerani Canadap oqaasissaqaqataanera CBC tusagassiinermini ilannguppaa. Canadammi naalagaaffiata soraarnerussutisianit aningaasaatai atorlugit Cairn Energy aningaasaleeqataaffigineqarsimammat.
