Gassi tipittoq naamaartarnerlu

Inuusuttut gassimik naamaartarnerat akiorneqassappat, gassip tipaa mannittut ajortunngorsimasutut tipeqartinneqalersinnaavoq.

Taamatut isumassarsineq pivoq, angut inuututtoq gassimik naamaarniartilluni oorujussuarnermi kingorna taamatut siunnersuuteqarmat.

- Gassi tipittunngortinneqarpat, soorlu fysikkimi gassi atorneqartartoq tipittorujussuuvoq, taava gassimik naamaartartut gassi soqutigiunnaassavaat, 18-inik ukiulik Bjørn Brodersen oqarpoq.

Danmarkimi gassimik tunisassiortartoq isumassarsiamut soqutiginnippoq.

- Isumassarsiaq pitsaaqaaq, inuullu peqqissusaanut ajoqutaassanngippat misileerusuppugut, gassimik tunisassiorfimmi Rasmussen A/S-mi pisortaq, Teddy Rasmussen oqarpoq.

Isumassarsiaq aamma Christiansborgimit ilalernartinneqarpoq.

- Naamaartarneq akiorniarlugu isumassarsiaq taamaattoq akornutissaqanngippat atorluarneqarsinnaavoq, folketingimi peqqinnissamut ataatsimiisitaliami siulittaasoq, Birthe Skaarup oqarpoq.