Gasolin Nunatsinnut

Qulequtaa eqqorpallaanngikkaluarpoq, danskilli nipilersoqatigiit tusaamasarsuit nipilersortarnerat suli atugaajuarsiunnarpoq, naak ukiut 30-t matuma siorna avissaarlutik nipilersoqatigiikkunnaaraluartut. Nipilersoqatigiit Peter & De Andre Kopier tamatunnga pissutaaqataalluinnarput, nipilersoqatigiimmi Gasolin nipilersortagaannik ima atuillaqqitsigaat allaat taakkorpiaanarsorineqartarlutik.
Allattoq Peter Troelsen, Simon Uldum
oktobarip 14-at 2013 08:45

Nipilersoqatigiit Gasolin atortagaannik nipilersortartut novembarip qaammataata ulluini siullerni marlunni Nuummi Hotel Hans Egedemi tusarnaartitsiniarput. Nipilersoqatigiit Gasolin Malmömi Folkets Parkimi ukiut 35-t matuma siorna naggammik tusarnaartitsipput, nipilersoqatigiinnilli nuannaartorisallit Larsenimik, Jönssonimik, Berlevimik Beckerleemillu aliannaarnissaminnut maanna periarfissaqalerput.

Nipilersoqatigiit nammineq ilisarnaatimittut oqaatigaat: Aallaqqaammut isumaqassaatit ilumut Gasolin tusarnaarlugit, taava salloqittarneqarsimasutut misigisimassaatit. Gasolinimillu nuannaartorisalitoqqap eqqarsaataanut tamanna nassuiaatigissallugu tulluarpoq.

Peter og De Andre Kopier ukiuni 20-nngulersuni danskit rockimik nipilersoqatigiit, Danmarkimi tusaamasarsuit nunanili allani iluatsitsinngitsoortut, atortagaannik tusanaartitsisarsimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq