Galathea 3 teknikkikkut ajornartorsiorpoq
Allattoq Mads Lynge
Umiarsuaq alapernaarsuut Galathea 3, Københavniminngaanniit aallartittumik nunarsuarmik kaajallaaniartoq, teknikkikkut ajoquteqalersimavoq.
Galathea 3 tallimanngorpat Savalimmiutigoorluni nunatsinnukaqqaarsimasussaagaluarpoq.
Frederikshavnimiit Københavnimi Amaliehaveniliartilluni Galathea 3 utiinnartariaqarsimavoq. Ingeniørens Netavis taama allappoq.
Dansk Ekspeditionsfondip Galathea 3-p ilisimasassarsiorluni angalanissaa aaqqissugaraa, ajornartorsiutaasorli pillugu oqaaseqarumanngillat. Sakkutuut imarsiortut qullersaqarfiata kingusinnerusukkut Galathea 3 pillugu nalunaaruteqarumaartoq oqaatigineqarpoq.