Galathea 3 naammassivoq

Ilisimasassarsiorluni angalanersuaq, Galathea 3, sømilit 52.000-it, tassa 100.000 kilometerit missaat, angalareerluni naammassivoq, ilisimasassarsiorlunilu angallatigineqartoq, Vædderen, Københavnimut nalunaaquttap akunnialunngui qaangiuppata tikissaaq.

20-nik ukiulik, Sascha Schiött, Qaqortumeersoq, Afrika Kujallermi Cape Townimiit Australiami Perth-ip tungaanut ilaavoq.

Sascha Schøtt oqaluttuarpoq, taama angalanermini ilisimasassarsiortut qanoq sulisarnersut paasisaqarfigingaatsiarlugu, kisiannili nammineq inuttut qanoq ittuunerluni aamma paasilluarnerusutut issimavaa.

Aallaqqaammut artorsalaarsimanerarpoq, imarsiornerlulluni sivisungaatsiartumik merianngusimavoq, taamaammat suliaqarpallaarsimanani, tamannalu ajuusaarnartippa. Kalaaliunini qanoq pingaartigisoq aatsaat paasisullutooq issimavaa, tassami angerlarserujussuarsimavoq tamannali ullualuit qaangiummata qaangerlugu.

Sascha Schøtip angalanermini ilinniakkani siunissami atorluarsinnaanerarpai, biologi aqqusaassallugu meeraallunili pilerigisarsimagamiuk. Ilisimasassarsiornermi kalaallit arlallit peqataapput.