Gaddafip uppisinnissaa pimoorutilerpaat
Gaddafip iliuusaanik unitsinniarnertik Naalagaaffiit Peqatigiit taamaalillutik sakkortunerusumik pimoorutilerpaat.
Isumaqatigiissummi allassimavoq Benghazimi innuttaasunik toqoraaniarneq "qanorluunniit iliorluni" pinngitsoortinniarneqassasoq - illoqarfik Benghazi pikitsitsisunit suli nakkutigineqarpoq.
Libyami kisermaassilluni naalakkersuisoq, Muammar Gaddafi, nalunaaquttap akunnialunnguisa matuma siorna radiokkut toqqaannartumik oqalugiarpoq, tassanilu erseqqissaatigaa, sakkutuunit isumannaallisaasunit naakkineqarnissartik pikitsitsisut naatsorsuutigissanngikkaat.
Libyap silaannartaani timmisartoqqusinnginnerup saniatigut isumaqatigiissutip nutaap malitsigaa Gaddaffip nunarsuarmi pigisaasa nalillit tigusiffigeqqusaajunnaarnerat. Libyami illoqarfinni pikitsitsiffiusuni aqqusinerni inuit nuannapput, qiimmattarlutik oqilisimaaqalutillu.
Naalagaaffiit Peqatigiit Isumannaallisaaniaqatigiivisa taasisitsinerisa kinguninngua Gaddafi portugalimiut TV-qarfiatigut oqalugiarpoq, akiniaanissanilu sioorasaarutigaa:
- Silanngajaarput, niaqulaarput anneruniarlutillu. Nunarsuarmioqatitta silanngajaarfigippatigut uagut aamma taamaaliussaagut, Gaddafi sioorasaarivoq.
- Akiniaassaagut. Inuunerat sussaajunnaarsissavarput. Eqqissitinneqarnavianngillat! Gaddafi ilaatigut oqarpoq.
