GA: Suliniutinut angisuunut inatsit ersernerluppoq
Taamaakkaluartoq GA isumalluarpoq, IBA-mi isumaqatigiinniarnerni politikikkut tikkuussinerit tassalu sulianut angisuunut kalaallit sapinngisamk peqataatinneqarnissaannik siunnissaqarneq eqquutissanersoq takutinneqasammat, GA isumaqarpoq.
- Kalaallit Nunaanni sulisitsisut Peqatigiiffiat isumaqarpoq suliniutit angisuut pillugu inatsit naammanngitsoq. Inatsisip oqaasertaani arlalinni amigaateqarpoq, GA isumaqarpoq.
- Suliniutit angisuut pillugit Inatsisartuni Inuussutissarsiornermut Ataatsimiititalip pimoorullugit suliniutigisimasaani inassuteqaatitut saqqummiussaanni inatsimmi tamakkiisumik ilanngussisoqarsimannginnera annerusumik isumakuluutigaarput, sulisitsisut peqatigiiffianni inatsisit pillugit siunnersorti Anitha Hoffer oqarpoq.
Assersuutit ilaattut taaneqarpoq, suliffeqarfiit suliunitini angisuuni suliaqalersussat Kalaallit Nunnaanni suliffeqarfinnik atuinissamik pisussaaffilerneqarnissaannik aalajangersakkami erseqqissaasoqarsimannginneq, tassani nunatsinni suliffeqarfiit unammilersinnaannginneranni Anitha Hoffer oqarpoq.
Inatsisip oqaasertaasa erseqqinngitsumik qulakkerinninngitsumillu allaqqanera ernumarpoq tassami aningaasaliumaartussat atorfilillu inatsit malillugu sulisussat suliffeqarfiillu Kalaallit Nunaanni aallartitsisussat inatsit assigiinngitsumik paasissammassuk Anitha Hoffer oqarpoq.
- Kalaallit Nunaani suliffeqarfiit unammerlernernut sorlernut unammillisanersut inatsimmi erseqqissarneqanngilaq, taakkua Kalaallit Nunaani atugassarititaasut malissaneraat imaluunnit nunat tamat atugassarititaat malissaneraat erseqqissarneqanngilat Anitha Hoffer oqarpoq.
Sulisitsisut Peqatigiiffiat - Partii Siumut isumaqalugu oqaraluartoq inatsisip pingajussaaneerneqarnissaata ukiup tullianut kinguartineqarnisaa kissatigigaluarlugu GA angunigaqarluni suliaqarniarpoq.
IBA pillugu ajunngitsumik isumaqatigiissuteqarnissaq maanna pisariaqarput.
Isumaqatigiissutini taakkunani nunatsinni innutaasut nunatsinnilu suliffeqarfiit peqataatinneqarnissaat aalajangersarneqartussaapput.
Suliap ingerlanneqarnerani Kalaallit Nunaannut iluaqutaasumik qulakkeerinninnissamut sapinngisamik taperseerusuppugut.
Kalaallit Nunaanni sulisitsisut peqatigiiffianni GA-mi inatsisilernermik siunnersorti Anita Hoffer oqarpoq.
