GA SIK-lu: Siunissaq ungasinnerusoq politikkiliorfigisariaqarpoq

- Pisariaqartipparput siunissamut ungasinnerusumut politikkeqarnissaq inatsisiliornissarlu pisariaqartipparput, ukiunut tulliuttunut sisamanuinnaanngitsoq atuuttussamik, siunissamulli ungasinnerusumut atuuttussamik, Jens K. Lyberth, GA-mi ataqatigiissaarisoq KNR-ip qinersinerup unnukkuani pulaartuunermini oqarpoq.

SIK-p siulittaasua Jess G. Berthelsen isumaqataavoq:

- Pingaarluinnartuuvoq siunissamut ungasinnerusumut pilersaarusiornissaq. Assersuutissaqqippoq Royal Greenland, maanna suliffissanik ataavartunik pilersitsinissaminut eqqissilluni pilersaarusiortariaqalivissoq. Pingaartuuvoq inissianik inuit akilersinnaasaannik aamma pilersitsinissaq, akilersinnaagunikkimmi meeqqatik nukittuunngortissavaat inuiaqatigiillu peqqissut pilersitseqataaffigissallugit, Jess G. Berthelsen oqarpoq.