GA: Aalisarneq piaarnerpaamik iluarsartuuteqqinneqartariaqarpoq
GA-p pisortaa Henrik Leth Sermitsiaq.gl-imut oqarpoq, piffissami sivikitsumi iluaqutaasussanik tapiissuteqartarneq taamaatinneqartariaqartoq. Tapiissuteqartarnerup aalisarnermi aaqissuusssinerup qanganitsertup, pisariaqartumik ineriartornissaralua unitsittaraa unnerpaa.
- Piffissami sivikitsumi iluaqutaasussanik tapiissuteqarnissamik neriorsuuteqaqqinnisaaq iluaqutaanavianngilaq, aaqqissuussinermik qanganitsamik, ineriartornissamik pisariaqartumik unitsitsisumik, allannguinavianngimmat. Aaqqigallattarnerit atorunnaavittariaqarput, Henrik Leth oqarpoq.
- Aalisarneq toqqaannartumik toqqaannanngitsumilluunnniit tapersersussagaanni, tamanna aaqqissuussinermut nutaamut, inuussutissarsiutip annermik isertitsissutaasinnaanissaanik tapersiisumut, tapertaasariaqarpoq, Henrik Leth nangippoq.
Henrik Lethip aamma tikkuarpaa, aalisarnerup sinerissap qanittuanut avataasiornermullu avissimanera atorunnaartariaqartoq. Kiisalu ukiunut arlalinnut kvotiliisarnissaq pisariaqartoq, aalisartut nutaanik atortussarsinermi aningaasaliinissamut periarfissaqarniassammata.
