G 8-mi ataatsimiinneq aallartippoq
USA-p præsidentia, George Bush, tyskillu kansleriat, Angela Merkel, silaannaap kissakkiartorneranut tunngatillugu anguniagassatik aalajangersimasuusussat assortuussutitik eqqartorsimavaat, eqqartuineq nunat pisuujunerpaat G-8-mik taaneqartartut arfineq pingasuusut siuttuisa ataatsimeersuarnissaannut aallarnisaataavoq, ataatsimeersuarneq ullumi Tysklandimi allartippoq
Buship gassit silaannarmik kissakkiartortitsisartut annikillisarnissaannut suleqataanissaminut aalajangersimasumik pituttornissani suli tunuarsi-maarfigaa, ullup´qeqqanulli nerereernermik kingorna oqarpoq, silap kissakkiartorneranut tunngatillugu pilersaarusisornissamut Merkeli suleqatigerusullugu, Kyotomi 1997-imi isumaqatigiissutaasimasup taartissaanik.
Ruslandip præsidentia Vladimir Putin kingulliit ilagalugit ataatsimiiffissamut tikippoq, kingusinaalaarlunilu tikiuttarnera naliginaavoq. Silaannaap kissatsikkiartorneranut tunngatillugu assortuuttunut akuunissani pisariaqartissanngilaa, Ruslandimi suli CO2-mik mingutitsisunut akuulinngilaq – 1990-kkulli naajartorneranni aningaasaqarnikkut nakkaattuuleraluarnertik pissutigalugu.
Ataatsimeersuarnissami pisortat makkua nunanit makkuneersut peqataapput; Canada, Frankrig, Italien, Japan, Rusland, Storbritannien, Tyskland aammalu USA.
