G-44 semifinalemut anngutilerpoq

Marlunngornermi unamminerit aalajangiisuussapput angutit arsaallutik pissartanngorniunneranni kikkut semifinalemut anngutissanersut. Ilimanarsiartortoqarporli.
Allattoq Noah Mølgaard
aggustip 06-at 2012 19:56

Siorna pissartat G-44 Qeqertarsuarmiik unamminerminni siullerni marlunni ajugaapput puljemilu sakkukinnersaagunartut UB-83 Upernavimmeersut marlunngornermi ualikkut unammisussaallugit.

- G-44 semifinalemut annguttutut oqaatigeersinnaagunarparput. Ilimaginngilara UB-83-mut ajorsarnissaat, GBU-mi siulittaasoq Lars Lundblad KNR.gl-mut oqarpoq.

SAKp Sisimiuneersup aamma FC Malamuup Uummannameersup unamminissaat apeqqutaajumaarpoq kikkut pulje 1-miit semifinalemut annguteqataanissaannut. Kikkulli semifinalemut annguteqataassanersut pingasunngorpat aatsaat paasinarsiumaarpoq.

Nagdlúnguak Ilulissaneersoq aamma B-67 Nuummeersoq pulje 2-miit semifinalemut anngussinnaasutut ilimanarsipput. Taakku marlunngornermi imminnut unammissapput pulje-mi ajugaanniunnertut taaneqarsinnaasumik. Taamaattorli pulje taanna ilimaginngisamik suli pisoqarfiusinnaavoq.

- Semifinalemut annguttussat pissanganarsisinnaapput Nagdlúnguak unamminerni tullerni marlunnik ajorsassappat. B-67 ukiormanna sakkortoorujussuuvoq taavalu pingasunngorpat unnukkut Nagdlúnguak ATA-mut unammisussaalluni. Taamaammat pulje 2 suli nalunartoqarpoq, Lars Lundblad oqarpoq.

Ataasinngornermi angusat:
UB-83 - FC Malamuk 0-6
B-67 - ATA 6-0
Eqaluk 54 - G-44 0-2
Kugsak 45 - Nagdlúnguak 1-4

Marlunngornermi unamminissat:
Nal. 14.00 Nagtoralik - ATA
Nal. 16.00 SAK - FC Malamuk
Nal. 18.00 B-67 - Nagdlúnguak (KNR-TV-mi toqqaannartoq)
Nal. 20.00 UB-83 - G-44 (KNR-TV-mi toqqaannartoq)

KNR radio GM-mit nalunaaqutaq 17.30 tusagassaqartitsiumaarpoq.