Føroya Banki ingerlalluarpoq

Grønlandsbankimiit qanittukkut nalunaarutigineqarpoq Grønlandsbanki aningaaseriviusoq danskit aktienik tuniniaasarfianni ukioq manna pappialat aningaasanik nalillit eqqarsaatigalugit naleqassutsimigut qaffariaateqarnerpaasimasoq.
aggustip 13-at 2007 11:04

Atlantiku avannarlermi aningaaserivinni kisiartaasimanngilaq naleqassuseq eqqarsaatigalugu qaffariaateqarfiunerpaasimasoq.

Savalimmiut Bankiata anginerpaallunilu nutaannginnersaasup, Føroya Bankip, Københavnip Fondsbørsiani upernassaq allaaserineqartup, ukiup affaanoortut naatsorsuutit saqqummiuppai, akileraarutit peernagit inernerit 102 millioni koruuninik amerlassuseqarput. Ukioq kingullermut naleqqiullugit inernerit marloriaammik qaffariaateqarfiusimapput, ukioq kingulleq inernerit 47 millioni koruuninik amerlassuseqarsimapput.

Akileraarutit peereerlugit Føroya Bankip inernerit pigisai 84 millioni koruunininik amerlassuseqarput, ukioq kingulleq qaammammut tassunga naleqqillugit angusat pitsanngoriaateqangaatsiarsimapput, siorna inernerit 38 millioni koruuninik amerlassuseqarsimagamik.

Føroya Bankip tusaamaneqarnera aallartippoq 1990-kkut qiteqqunneranni, Føroya Banki kanngunartuliorsimasutut tusaamaneqaleraluallarmat, kisianni pisimasoq tamanna qaangiuteriikatareerpoq,

Maannakkullu savalimmiut aningaasaqarnerat ilorraap tungaanut kingumut aallaqqippoq.