Futsalimik unammisartut Nordic Cupimi unammeqqaarnerminni ajorsartut

Futsalimik nunanut allanut unammisartut Sverigemi Nordic Cupimi unammeqqaarnerminni sisamanngormat ajorsarput. Unammiuaarnerit nunanut allanut unammisartut pisortatigoortumik peqataaffigisaasa siullersaraat.

Nunanut allanut unammisartut unammiuaarnerni pissartaasut Finlandimeersut unammivaat, taakkulu nunanut allanut unammisartut sungiusaasuata toqqarsimasaata ajungaaffiginngitsoorpaat. Unamminerup immikkoortuani siullermi unammisartut ilaasa kukkuluttornerat pissutigalugu 3-0-imik kinguaqqasinnarlutik unamminerup immikkoortuata aappaani ingerlalluarnerupput, unamminerlu 6-4-mik inerneqarpoq.

GBU Facebookimi taama allappoq.

Nordic Cup tassaavoq nunani avannarlerni futsalimik unammiuaarnerit Kalaallit Nunaata pisortatigoortumik peqataaffigisaasa siullersaat. Nunatta Finlandillu saniatigut aamma Danmark, Norge Sverigelu unammiuaarnernut peqataapput.

Nunanut allanut unammisartutta Norge tallimanngornermi ualikkut unammissavaat.

Arsaattartut Nordic Cupimut peqataasussatut toqqagaasut tassaapput:

1 Loke Svane – målmandi – B-67
2 Malik Hermarij – målmandi b-67
3 Nathan Møller - Kagssagssuk
4 Maasi Maqe – B-67
5 Frederik Funch – B-67
6 John Ludvig Broberg – B-67
7 Ari Hermann – B-67
8 Malik Juhl – B-67
9 Markus Jensen – N-48
10 Niklas Thorleifsen B-67
11 Nick Reimer N-48
12 Anders H Petersen – B-67
13 Johan Bidstrup – B-67
14 Peter Leibhardt N-48
15 Katu Madsen (DK) B-93
16 Inuk Knudsen (DK) Lystrup Aarhus