Assi: Kalaallit Arsaattartut Kattuffiat - Grønlands Boldspil Union

Futsalertartut ugguaraluarlutik misilittagaqarnerullutik angerlassapput

Angutit kalaallit Futsalimi nunanut allanut unammisartui Nordic Futsal Cupimi unammiuaarnerni sisamassaa tallimanngornermi ajorsarput.

Nunanut allanut unammisartut Danmarkimut, Finlandimut, Norgemut Sverigemullu sapaatip-akunnerata siuliata ingerlanerani unammigamik ajorsarput, unamminerillu arfininngormat naammassineqarlutik.

AAMMA ATUARUK Kalaallit Danmarkimut Nordic Futsal Cupimi ajorsarput

Sungiusaasunut ikiortaasoq, Anton Overballe unammineq pillugu naliliisipparput;

- Aallaleratta anguniagarinikuugatsigu pitsaanerit pingasut akornanniissalluta, taava ugguartorujussuupput. Arsarluartorujussuugaluarluta, kisianni ajoraluartumik inuuttuulaarluta ajugaanngitsoortaqattaarpugut, sungiusaasunut ikiortaasoq, Anton Overballe, KNR-imut taama oqarpoq.

AAMMA ATUARUK Grønland tabte knebent til Sverige

Angutit futsalimik nunanut allanut unammisartut kalaallit unammisartuinut sanilliullugit unammeqattaartarput, tamannalu ajorsaqattaarnermut ilaatigut pissutaasinnaasoq sungiusaasuat ikiortaat, Anton Overballe oqarpoq.

- Unammisartakkavut amerlanerusujussuarnik ukiumut unammisarput, taavalu unammiaqattaartarlutik klubbiminni. Taamaammat taakku unamminerni amigarneri peqqutaaqataanerpaavoq. Nikallortoqanngilaq, siunissaq qaamavoq futsal Kalaallit Nunaanni eqqarsaatigalugu, sungiusaasunut ikiortaasoq, Anton Overballe, oqarpoq.

Nunanut allanut unammisartut Danmarkimut unammineranni assilisat uani takuneqarsinnaapput:

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat