Malik Hermarij, issiasuni saamerleq, klubbeqatinilu Athletic FC EskilstunameersutAssi: Athletic FC Eskilstuna

Futsal: Malik Hermarij Sverigemi futsalimi ingerlalluaqaaq

22-nik ukiulik Malik Hermarij, Upernavimmi alliartortoq, Sverigemi futsalimi pikkorinnerni unammisartuni isumaqatigiissusiornikkut unammisartuulerpoq

Futsalimi målmanditut pikkorilluinnartoq Malik Hermarij Sverigemi klubbitaamini Athletic FC Eskilstunami aallartilluarpoq. Sverigemi nunanut allanut unammisartut sisamat klubbeqatigai ataaseq målmandiulluni. Taamaattoq Malik Hermarij unamminerni aallarteqqaartussani toqqagaasarpoq.

- Ukiumi unammiffiusumi Malik aallartilluaqaaq. Unammigaangatta isersimaqqaartuusarpoq. Ukioq unammiffiusoq ataaseq isumaqatigiissuteqarput, kisianni sivitsorneqarsinnaanera oqaluuserilereerparput, Athletic FC Eskilstunami sungiusaasoq Tekle Ghebrelul KNR-mut oqarpoq.

Taanna siornatigut Nuummi B-67-mi sungiusaasuuvoq aammalu futsalimi kalaallit nunanut allanut unammisartuini sungiusaasuulluni. Malik Hermarijip aappani nooqatigivaa aamma aallartilluartutut misigisimalluni.

- Oqaatsit aallaqqaammut nalunalaarput klubbimi aqutsisut arsaqatikkalu tuluttut oqaluunnerusarlugit. Maanna svenskit oqaasii sungiunneruakka aammalu maniinnera toqqissisimanaralugu, Malik Hermarij oqarpoq.

Oqaatsit sakkortuut

Klubbitaavani Athletic FC Eskilstunami unammineq sakkortuvoq. Klubbi taanna Sverigemi futsalimi pikkorinnerni siuartuuvoq klubbilli arlallit pointinik ikittuinnarnik appasinnerulaartut unammillertorujussuupput.

- Aallartinnera sakkortuvoq. Aamma tuikkut suliaritinnera pissutigalugu sivisujaartumik uninnganikuugama. Qujanartumik maannamut ingerlalluarpunga, Malik Hermarij oqaluttuarpoq.

Iligiit akornanni oqaatsit sakkortuut atorneqarsinnaasarput ligami unammisartunut toqqagaaniunneq sakkortummat.

- Sverigemi futsalertartutut unammisartunngorniassagaanni tamanna piareersimaffigisariaqarpoq. Iligiit sakkortuumik imminnut oqaluuttarput sungiusarnermilu tamaviaartoqartarluni, Tekle Ghebrelul oqarpoq.

Malik Hermarij una ukioq unammiffiusoq klubbitaaminissaaq sivitsuisinnaanerli klubbiata misissulereerpaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat