Fulsalimik nunanut allanut unammisartut aningaasaliisortaartut
- Kalaallit Nunaata Tamarmiusup Aningaaseriviata kissaatigivaa holdi innuttaasunik katersuutsitsisinnaasoq tapersersorumallugu, Grønlandsbankenip pisortaqarfiani pisortaq Carsten Th. Pedersen oqarpoq.
Nunanut allanut unammisartut pikkorinnerulernissaannut aningaasanik tapersersortissamik isumaqatigiissut tunualiaqutaassasoq, GBU-mit isumaqartoqarpoq.
Aamma sungiusaasunut René Olsenimut Tekle Ghebrelulimullu periarfissaqarnerulertitsissaaq. Taakkumi sungiusaanermut piareersaanermullu aallussisinnaanerulissapput
Grønlandsbankip aningaasanik tapersersortiunissaanut isumaqatigiissut decembarimut 2018-imut atuutissaaq.