Fujimori Perumi eqqartuunneqalerpoq
Fujimori toqoraasartut atorlugit, saamerliunianik ”Den Lysende Sti”-meersunik pikittitsinianik toqoraasitsisimasutut unnerluunneqarpoq.
Eqqartuussineq Perumi oqallisaaqaaq, præsidentiusimasumik nuannaartorinnittut, nunap iluani sorsuunneq aattaqaqisoq Fujimorip unitsissimammagu nersualaarmassuk.
Præsidentiusimasumik præsidentiunermi nalaani pinerluutigisimasai peqqarniitsut pillugit aatssat eqqartuussisoqalerpoq.
Fujimori nammineq toqoraasimanernut pineqartunut ilisimasaqarsimanani oqarpoq. Fujimori ukioq 2000-imi, siuaami nunaannut Japanimut qimaariarluni ukiut tallimat qaangiummata Chile-mut nuukkaluarpoq, politikeritullu uteqqinniaraluarluni, septembarimili Chile-miit anisitaavoq Perumut eqqartuussassatut tunniunneqarluni.