Fritzl unnerluutinut tamanut nassuerpoq
Østrigimiup Josef Fritzlip ullut pingajussaanni eqqartuunneqarnermini imminerminut unnerluussissutigineqartut tamaasa nassuerutigai aammalu toqutsisimasutut unnerluutiginninneq nassuerutigalugu.
Allattoq Lotte Holm
marsip 18-at 2009 07:40
Uannut unnerluussissutigineqartut tamaasa nassuerutigaakka 73-inik ukiulik Josef Fritzl qanittumi oqaatigaa, Aviisi Jyllandsposten tamaatut allaaserisaqarpoq. Josef Fritzlip paniata Elisabeth-ip eqqartuussivimmi nassuiaateqarnerata kingorna Fritzlip isumaa allangorpoq.
Tuluit nutaarsiassaqartitsiviat BBC –i malillugu Fritzlip pania Elisabeth eqqartuussivimmi najuulluni nassuiaateqarsimavoq uppernarsaalluni.
Ullumikkut eqqartuussinermi Josef Fritzlip eqqarsartaatsimigut nalilerneqassaaq immikkullu ilisimasallit naliliissapput. Unnerluussisup kissaatigisimavaa Fritzl eqqarsartaatsimigut akornuteqartutut pineqaatissinneqassasoq. Fritzlip eqqartuunneqarnera aqagu naammassineqarnissaa naatsorsuutigineqarpoq.
