Frimærkit nutaat saqqummerput

Frimærkinik katersisartunut Tele Post qujasaavoq. Frimærkit nutaat arfineq pingasut tuniniarneqarnissaminnut piareerput taakkulu qaavatigut 2012-mut katersat saqqummersinneqarput. Tassaniipput frimærkit 24-it ukiormanna saqqummersut.
Allattoq Elisa Isaksen
oktobarip 23-at 2012 10:18

Norgemiup kigartuisartup eqqumiitsuliortullu Martin Mörckip ilaatigut frimærkit kusanartut suliarai, soorlu Dronning Margrethep assinga piviusorpalaartoq suliarisimallugit.

Nunatsinni silaannakkut angallassinermik assiliartalinnik pingasunik, kigartuisartoq Norgemiu taanna kusanaqisunik aamma kigartuisuuvoq, taamaalilluta qulimiguullit ilisimaneqartut Bell 212-it frimærkeni takusinnaalerpavut.

Taakku saniatigut Martin Mörckip Hans Hendriup, aamma Suersamik taaneqartartup assinga, aamma titartarlugulu kigartorpaa, taanna 1800-kkunni Nunatsinni ilisimasassarsiornerni tusaamasaallutillu ulorianartorsiorfioqisuni tallimaasuni peqataasarpoq.

Maannalu allaqquttussaanngitsumik juulleriartortussanngorpoq.

Eqqumiitsuliortup Maria Paninnguaq Kjærulffip ukiormanna juullip frimærkia kusanaqisoq titartarpaa, taassuma takorluuillaqqeqaluni "Inuit ladies" kalaallisut juullimut qilanaaruteqartut assiliartaliussimavai.

Ukioq frimærkeleriffiusoq 2012 naggaserlugu POST ukiup mappianik nuannarineqartaqisumik, tassa ukiup ingerlanerani frimærkit saqqummiunneqartartut nutaat 24-t ataatsimik tigusiffigisarlugit saqqummersitsivoq.

Kalallit frimærkeliaannik katersisartunut mappi taanna nuannarineqaqalunilu piumaneqartaqaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq