Frimærkit nutaat 24-it 2013-imi saqummersinneqassapput
Ukiumi frimærkit saqqummersinneqartut siullersaat POST Greenlandip januaarip 14-iani saqqummersissavaa. Tamatumanilu frimærki 50 ørenik ilassutitut naleqartoq pineqarpoq. Aningaasat tamakkerlugit Meeqqat Inuunerissut/Bedre Børnelivimut tunniunneqassapput. Frimærki Nikolaj A. Olsvigip titartagaraa.
Kalaallit eqqumiitsuliortut arlallit frimærkinik aappaagu saqqummersinneqartussanik titartaasuupput, ilaatigut Anne-Birthe Hoveugaluaq, kiisalu Ina Rosing aamma Niels ”Mo” Motzfeldt.
Aappaagu aamma POST Greenlandip israelimiullu allakkerisarfiata akornanni nalinginnaasuunngitsumik nutaamillu suleqatigiittoqartussaavoq. Frimærkit ataatsimoortut uumasut nungutaanissaminnut navianartorsiortinneqartut sammillugit suleqatigiittoqassaaq.
Frimærkilerituut soqutiginnittullu allat frimærkit nutaat pillugit paasissutissanik amerlanerusunik uani pissarsisinnaapput: http://www.stamps.gl/da-DK/news/newslist/Sider/191212.aspx