Frimærkit akiliutaannartut ullumikkut atorneqarunnaarsimapput

Piffissaq frimærket allakkanut imaluunniit katersuivinnut ikkussuunneqartarfigisaat qanganngoreerpoq. Teknikki nutaaq atorlugu frimærkenik katersisartut, ilalumi tamatta, frimærke ilaquttanut skattimulluunniit allakkanut nipitinneqartartoq annerusumik pissarsiaqarfigisinnaalersimavarput.
Allattoq Peter Troelsen, Simon Uldum
septembarip 23-at 2013 12:14

TELE-POST frimærkimut assitaliunneqartoq pillugu paasissutissanik qaraasiakkut pissarsisoqarsinnaasunngorlugu aappassaanik frimærkeliortitsivoq. Ukiormanna siullerpaamik atorneqarpoq frimærkimut Uumasut nungutaanissaminnut ulorianartorsiortut, assiliartaliunneqarsimasorlu pillugu paasissutissaqartartinneqarluni.

TELE-POST taamaalioqqinniarluni aalajangersimavoq frimærkelu nutaaq tassaavoq ”Nordafar”. Paasissutissat app App Storekkut Google Playikkullu aaneqarsinnaasoq atorlugu pissarsiarineqarsinnaapput. App ateqarpoq ”Sepac Stamps”.

-Teknologi nutaaq siullermeerluta atorparput frimærkimut G510-imut ”Uumasut nungutaanissaminnut ulorianartorsiortut”-nut 11. juni 2013 Israel post peqatigalugu saqqummersitami, periarfissarlu tamanna pisisartutsinnit atorluarneqarpoq, frimærkinut pisortaq Pertti Frandsen oqarpoq.

Frimærkimut qulequtaavoq Nordafar A/S, taannalu Nordafar-imi Kangerluarsorutsimiittumi aalisarnermik oqaluttuamut Kalaallit Nunaannut. Norgemut, Danmarkimut, Savalimmiunullu nuannersumik pisimasoqarfiusimavoq. Norgimiup Martin Mörck-ip frimærki oqaluttuassartaqarluartoq suliaraa, taannalu Savalimmiut-Kalaallillu mappetut tammajuitsussiatut ataatsimoorullugu aamma saqqummersissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq