Amerikamiu filmiliaritittartoq James Michael Tyler, TV-kkut aallakaatitassiami nangeqattaartumi quisaarutaasumilu ”Friends”-mi Guntheriusaarluni inuttaasartoq 59-nik ukioqarluni ippassaq sapaammi toqukkut qimaguppoq. (Toqqorsivimmit assi).Assi: Carlo Allegri/Ritzau Scanpix

Friendsimit tusaamasoq kræftimik napparsimareerluni toqusoq

James Michael Tyler tv-kkut nangeqattaartartumi "Friends"-imi Guntheriusaartoq Los Angelesimi angerlarsimaffimmini eqqissivoq.

Amerikamiu filmiliaritittartoq James Michael Tyler, TV-kkut aallakaatitassiami nangeqattaartumi quisaarutaasumilu ”Friends”-mi Guntheriusaarluni inuttaasartoq 59-nik ukioqarluni ippassaq sapaammi toqukkut qimaguppoq.

Isiginnaartitsisartoq nuannarineqarluartoq Los Angelesimi angerlarsimaffimmini eqqissivoq.

Oqaaseqartartoq isiginnaartitsisartup toqunera pillugu, amerikamiut tusagassiorfianut TMZ-imut uppernarsaavoq.

Taassuma quumi aqqutaatigut kræftimik nappaateqarnini toqqutigaa.

Isiginnaagassiaq nangeqattaartualiaq nunatsinni aamma nuannarineqarluartartoq ”Friends” kalaallisut isumaqartoq ”kammalaatit” tassani Guntheriusaarluni imerniartarfimmilu Central Perkimik atilimmi baarimi pisiniartitsisuusaartartutut isiginnaartitsisarnini ilisimaneqaatigaa.

- Nunarsuarmi tamarmi aallakaatitassiami ”Friends”-mi nuannarineqarnerpaat ilaanni Guntheriusaartarnini ilisimaneqaatigaa, asannittaasalu isiginnaartitsisartutut, nipilersortartutut kræftilu pillugu oqalugiartartutut, angutitullu qanilaartutut ilisarisimavaat, qanigisai taama oqartut TMZ allappoq.

Aallakaatitassiami nangeqattaartumi ”Friends”-mi isiginnaartitsisartoq tusaamasaq amerikami ullaakkut aallakaatitassiaasartumi ”Today”-mi apersorneqarnermi ilaani 2018-mi septembarimi quumi aqqutaatigut kræfteqalersimanini siusinnerusukkut oqaluttuarisimavaa.

James Michael Tyler "Friends"-imi ilisimaneqarnermi saniatigut isiginnaagassiani "Scrubs"-imi, "Modern Music"-imi aamma "Sabrina the Teenage Witch"-imi aamma ilaavoq.

James Michael Tylerip nuliani Jennifer Carno qimappaa.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat