Freestylerluni DM-imi Kalaallit Nunaat 14-nik ujaminnappoq
Ajugaaniutivinnernilu Kalaallit Nunaat amerlasuunik uaminnappoq, Kaalallit Nunaanni sisorartartut aamma snowboardertartut klubbiat Snowball KNR-imut taama nalunaaruteqarpoq.
Pissartanngorniunnerup ulluani kingullermi, angutit snowboarderlutik unammineranni Jonas Strømsted ajugaavoq, Marthias Mark normu 2-nngortoq.
Angutini juniorini sisoraatinik pissanngortanngorniuttoqarmat Meino Pedersen ajugaavoq Julius B. Sørensen normu 2-nngortoq
Unamminermi Big Airimi ippassaq unammissutigineqartumi, Kalaallit sisorartartut snowbordertartullu klubbiat Snowball tallimanik medaljappoq.
Juniorit sisoraatinik pissartanngorniunneranni Meino Pedersen pissartangorpoq Julius Sørensen normu 2-nngortoq
Juniorit snowboarderneranni 15-nik ukiulik Henrik Møller ajugaavoq.
Angutit snowborderlutik unammineranni Rasmus Brøgger ajugaavoq siorna grønlandsmesteriusoq Jonas Strømsted ajugaaffigalugu. Jonas Strømsted upernalernerani aput aqiliulersimammat snowboarderluni unamminermi iluatsitsivallaarsimanngilaq, Danmarks Skiforbund nittartakkamini taama allappoq.
Snowborderluni Danmarkimi pissartanngorniunnerit marlunngormat aallartinneranit Kalaallit Nunaat katillugit 14-nik medaljannappoq.
