- Periarfissat tamarmik ammatinneqarput. Aningaasaqarneq, politikkikkut anguniakkat, sulisunik amerlassusiliinerit, Mette Frederiksen isumaqatigiinniartarfimmut iseriartorluni taama oqarpoq.Assi: Mads Claus Rasmussen / Ritzau Scanpix

Frederiksenip partiillu saamerliit periarfissat tamaasa ammatikkaat

Mette Frederiksen (S) naapertorlugu naalakkersuisunngortitsiniarluni isumaqatigiinniarnernut tunngatillugu "periarfissat tamarmik" ammatinneqarput.

Danmarkimi naalakkersuisunngortitsiniartussatut toqqagaasup Socialdemokraatit siulittaasuata Mette Frederiksenip (S) Christiansborgimi isumaqatigiinniarfiusumut ataasinngormat takkukkami oqaaseqarumavallaanngilaq.

Ministeriunertut toqqarneqarnissaminut Enhedslisten, SF Radikale Venstrelu katersuuffigisinnaasaannik  pilersaarusiorneq ullut 19-issaannik ingerlappaa.

- Periarfissat tamarmik ammatinneqarput. Aningaasaqarneq, politikkikkut anguniakkat, sulisunik amerlassusiliinerit, Mette Frederiksen isumaqatigiinniartarfimmut iseriartorluni taama oqarpoq.

Meeraaqqerivinni meeqqerivinnilu sulisut ikinnerpaaffilerneqarnissaat SF-ip piumasaqaataa annerit ilagaat. Tamannalu aningaasarpassuarnik perorsaasunillu amerlanerusunik pissariniarnissamik pisariaqartitsissaaq.

- Sulisut ikinnerpaaffiliinissaq eqqartungaatsiarparput. Isumaqatigiinniaqataasut ilarpassui tamanna kissaatigivaat, Mette Frederiksen iseriartorluni oqarpoq.

Nutaanillu naalakkersuisunngortitsisoqarnissaanut qanoq sivisutigisumik utaqqisoqassanersoq ima oqaaseqarfigaa:

- Suli isumaqatigiinniaratta inernileerusunngilanga. Isumaqatigiinniarnerit ingerlalluarput pingaaruteqarlutillu.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat